Muhiimada ay leedahay in aad yeelato caaddo wax akhris!

 Qofkasta oo aad hiigsataa noloshan waxa aan kuu hubaa in uu yahay qof kaa wax akhris badan, waana sababta aad ugu aragtid in uu kaaga  horeeyo xaga horomarka nolosha,uuna ku dayasho mudan yahay ama mudan tahay.

Lahaanshaha caaddo wax akhris waa mid aad muhiim ugu ah noloshaada, khaasatan haddii aad rabto hormarka noloshaada ay kugu tahay khasab in aad yeelato caaddo wax akhris.Waxaa ah mcquul in aad ku hesho buug figrad taas oo ku qaatay qoraaga in uu ogaado{to reveal} muddo aad u dheer taaso wax badan ka badili karta  noloshada kuuna horseedi karta dhabo saxan oo nololeed.

Waxa ay dhahaan qofka leh caaddo wax akhris waxaa uu noolaada saddex qarni, kan uu hada nool yahay,kan uu wax ka akhrinaayo iyo mustaqbalka oo uu saadaalin karo isagoo isticmaalaya casharadii uu ka soo akhriyay qarnigii lasoo dhaafay,maxayeelay taariikhdu badana iyadaa dib isku qorta.

 Bilowga caaddada wax akhrisku waa ay yara adag tahay,laakiin haddi aad nafta ka adkaato, mudana aad sii wado waxa aad ka dareemaysa noloshaada isbad hor leh oo xiiso leh. Jirkeenu waxa uu quutaa cunto kamana maarmi karo,hadaba sidaa silamida ayeeyna maskaxdeenu uquuta wax akhriska.

Buug baan akhriyay micno samayn mayso haddii aadan dhaqan galin wixii aad ka baratay buugaas.Sida ugu wanaagsan ee loo dhaqan galiyona wixii aad ka dhuuxday akhrinta buugaas waa in aad raacdaa wixii uu ku faray ama qaadaa tabooyinkii uu ku faray qoraagu in aad raacdo.

Waxaa jirta aqoon aad u fara badan taasoo aan naloogu dhigin iskuulaada iyo jaamacadaha, laakiin ay tahay in adigu raadso waxa ayna ku qoran tahay buuwaagtaas.Qoraa kasta waxa uu kaga hadlaa buugiisa qiso dhab ah taasoo adi  kaa caawinaysaa sida aad u waji lahayd nolosha, maxaayeelay noloshu waxa ay leedahay caqabado iyo imtaxaano ay tahay in aad ka gudubto.

Haddii aad tahay akhriste wanaagsan waxaa kuu fududaanasa in aan xaliso caqabada ama marka ay noloshu ku imtixaanto, waxaana ah hubaal in aad sifudud uga gudbi doontid caqabadahaas{obstacles}.Qof aan waxba akhrin waa ay adkaanaysaa in uu noqodo qof ka adkaata noloshaan.

Inaga haddii aynu nahay soomaali sabata ay noogu adag tahay in aad wax akhrino waa in aynu haysan dhaxal aqooneed oo ay nooga tageen awoowayaasheen,maxayeelay waagaas waxba lama qori jirin,haddii wax loqorayna waa iska baabe'een, iyada oo ay ugu wacan tahay daryeel xumo.

Gunaanad!

Mudane ama marwo yeelo caaddo wax akhris si aad uga mid noqoto dadka dhaqaajinaya ama wax ka badalaya kuna soo kordhinaya aduunkan eebe ka sakow.