Maxaa kaa hortaagan hadafyadaada ama qorsheyaashaada aad dajiso sanadkasta?

Waan ogahay in aad bilowgii sanadkaan cusub 2024 aad dajisatay hadafyo ama aad qorshaysay  qorshayaal aadna u sheegeysay naftaada inaad xaqiijin doontida sanadkaan dhexdiisa, laakiin iyadoo lamarayo bishii labaad ee sanadkaan cusub ay kaa kala yaacday, ana iswaydiinayso sidii aad dib ugu soo laaban lahayda baska.

 Waa wax caadi ah inaad dajisano hadafyo ama goolal bilowga sanadkasta oo cusub anagoo u sheegayna nafaheena inaan gaari doonto hadafyadaas inta lagu guda jiro sanadkaas,laakin markii aan cabaar wadno aan is aragno anagooba wixiiba ka caajisnay, ayna naga hayn inaan sii wadno qorshayaashii aan dajisanay, laakiin wali ma iswaydiisay sababta?

Maxaa kugu keena inaad ka rajo dhigto hadafyadaada intuusan sanadku dhammaan?

Inaad ka rajo dhigto hadafyadaada intuusan sanadku dhammaan waxaa keena siyaabo badan , laakiin waxa aan kula wadaagayaa qayb ka mida haddii eebe idmo

•  Go'aan inaad qaadato adoo xamaasadaysan
• dajiinta hadafyo badan
• dib u dhigid
• adoo raba inaad wax kastaa aad u qabato boqolkiiba boqol
• inaad dajisato qorshe adag oo kugu keeni kara hadhow inaad ka caajisto

Waa maxay inaad go'aan aad qaadato adoo dareemaya xamaasad?

Xamaasadu maahan wax kula jiraysa ama wax aad dareemayso markasta  intay jiraysoba waa muddo kooban, laakiin haddii aad go'aan qaadato adoo xamaasadaysan waxa ay kuu hor see daysaa inaad ka caajisto qorshayaashada ama aad qaban waydo marka ay kaa danto xamaasadaasi,laakiin badalkeeda waxa aad isku daydaa inaad ku salayso qorshayaashaada waaqiciga si ay kuugu fududaato inaad qabato qorsheyaashada adoo xamaasad dareemaya iyo adoon dareemaynba taasuna waxa ay ku fududaynaysaa inaada xaqiijiso hadafyadaada.

Waa maxay dajinta hadafyo badan ama qorshaynta qorshayaal badan?

Waxaa loola jeedaa inaad dajiso ama aad qorshayso hadafyo ama qorshayaal badan oo aadan gaari karin, sababtoo ah wax kastaa waxa ay dalbanayaan wakhti macquulna maahan inaada hadafyo badan aad ku gaarto muddo gaaban,Hadaba badalkeeda isku day inaad dajisato qorsheyaal aan badnayn aadna gaari karto. Ha qorshayn wax aad ogtahay in aad gaari karin sababtaydoontaba hanoqotee.

Sidee ayeey dib u dhigashadu u saamaysaa noloshaada?

Xaqiiqdii waxa aad maanta qaban karto waxa ay u badan tahay haddii aad dib u dhigto in aadan xili kale qabandoonin, sidaa awgeed isku day inaad waxkasta aad ku qabato xiligeeda, waan ogahay inaad mararka qaarkooda aysan kaa hayn inaad qabato, laakiin hadhagaysan codka daciifka ah ee ka yeeraya gudahaaga.

Waa maxay rabitaanka inaad rabto wax kastaa aad u qabato boqolkiiba boqol?

Waxa layiraado sidii larabay{ prefection}maahan wax jira macquulna maahan waxkastaa inaad u qabato sidii la rabay, laakiin badalkeeda iskuday inaad qabato wax un oo kimada wixii aad qorshaysatay habayaraatee taasuna waxa ay kuu horseedaysaa inaada xaqiijiso hadafyadaada.

Waa maxay dajinta qorshe adag oo hadhow kuu keeni kara inaad ka caajisto qabashadiisa?

Dajinta qorshe adag oo aadan gaari karin waxa ay kugu keenaysaa hadhow inaad ka caajisto oo iska dhaafto samayntiisa, taasuna waa mid kamida wax yaalaha kaa hortaagan inaad kaarto hadafyadaada nololeed, badalkeeda iskuday inaad dajisato qorshe fudud oo aad gaari karto.

Gunaanad!

Sanadkasta waa ka dhigi kartaa kii kuugu wanaagsanaa intaad noolayd, laakiin kaliya waxaa kaa xiga mayal adayg iyo in aadan isdhiibin.